賣樓後記:

在二月, 我把我和家人自住的單位賣出了. 隨後很Down. 到呢兩日, 公司解除了Lockdown, 多左精神好好諗返賣樓呢件事及睇Blog. 想記下以下一些想法:

- 維持原本對樓巿將會下調的睇法. 其實賣樓之前已經有同自己做心理預備, 有可能賣完再升多一兩成. 無諗到升得咁急而亂左陣腳.. 其實升的越急, 越似冧巿先兆..

- 無正視政府對按揭成數的限制, 首期成本大增. 以致對樓巿再升的防守力減弱 ( 若再升, 唔好話要貴買樓, 將會係買唔起 )

- 其實賣之前已經預左一年半載後先會入返巿. 但不知怎的, 賣出後 又 心急想 8 月前買返, 方便小朋友返學. 徒添自己的壓力.

- 睇Blog 睇到金句 : 見樓價高賣出自住樓 等同 沽空股票. (因為你遲早要買返的). 要沽空都沽空地產股先. 為錢賣自住樓, 風險非常高.

- 另外確立返賣樓的原因: 1. 住落三年了, 希望可以改善環境. 2. 裝修開始殘, 翻新都要好大工程, 感覺上裝新居開心過重裝舊居. 3. 現住單住因樓層/境觀等因素, 自覺不容易賣出, 所以要見好就收. 若巿況突然逆轉就會走唔切. (有時候減價都未必有人買, 準買家會覺得個單位唔知有咩'暗病')

- 而家坐定等樓巿調整. 要加強自己的定力, 不要把錢都花在股票上!